ᠣᠯᠠᠨ ᠤᠯᠤᠰ ᠤ᠋ᠨ ᠴᠠᢈᠢᠯᠭᠠᠨ ᠬᠣᠯᠪᠤᠭᠠᠨ ᠤ᠋ ᠪᠠᠶᠢᠭᠤᠯᠤᠯᠭᠠ (ᠣ᠂ᠤ᠂ᠴᠡ᠂ᠬᠣ᠂ᠪᠠ/ITU), ᠴᠠᢈᠢᠮ ᢈᠥᢉᠵᠢᠯ᠂ ᠢᠨ᠋᠊ᠨᠣᠸᠠᠼ᠂ ᠬᠠᠷᠢᠯᠴᠠᠭᠠ ᠬᠣᠯᠪᠤᠭᠠᠨ ᠤ᠋ ᠶᠠᠮᠤ᠂ ᠬᠠᠷᠢᠯᠴᠠᠭᠠ ᠬᠣᠯᠪᠤᠭᠠᠨ ᠤ᠋ ᠵᠣᢈᠢᠴᠠᠭᠤᠯᠬᠤ ᠬᠣᠷᠢᠶᠠ᠂ᠠᠽᠢ᠂ ᠨᠣᠮᠤᠬᠠᠨ ᠳᠠᠯᠠᠢ ᠶ᠋ᠢᠨ ᠴᠠᢈᠢᠯᠭᠠᠨ ᠬᠣᠯᠪᠤᠭᠠᠨ ᠤ᠋ ᠪᠠᠶᠢᠭᠤᠯᠤᠯᠭᠠ (ᠠᠨᠳᠠᠴᠤᠤᠯᠠᠭᠠᠪᠠ/APT) ᠬᠠᠮᠲᠤᠷᠠᠨ ᠠᠽᠢ᠂ ᠨᠣᠮᠤᠬᠠᠨ ᠳᠠᠯᠠᠢ ᠶ᠋ᠢᠨ ᠪᠦᠰᠡ ᠶ᠋ᠢᠨ ᠷᠠᠳᠢᠣ᠋ ᠬᠣᠯᠪᠤᠭᠠᠨ ᠤ᠋ ᠰᠧᠮᠢᠨᠠᠷ ᠒᠐᠒᠖ (ITU Regional Radiocommunication Seminar ᠒᠐᠒᠖ for Asia and the Pacific (RRS᠆᠒᠖))ᠠᠷᠭᠠ ᢈᠡᠮᠵᠢᠶᠡ ᠶ᠋ᠢ ᠒᠐᠒᠖ ᠣᠨ ᠤ᠋ ᠙ ᠳ᠋ᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠒᠑᠆᠒᠕᠆ᠤ᠋ ᠡᠳᠦᠷ ᠦ᠋ᠳ ᠲᠦ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠨᠠ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
ᠣᠯᠠᠨ ᠤᠯᠤᠰ ᠤ᠋ᠨ ᠡᠻᠰᠫᠧᠷᠲ ᠦ᠋ᠳ ᠣᠨᠤᠯ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢ ᠫᠷᠠᠻᠲ᠋ᠢᠻ ᠳᠠᠳᠤᠯᠭᠠ ᠲᠠᠢ ᠬᠣᠣᠰᠯᠠᠭᠤᠯᠵᠤ᠂ᠭᠠᠵᠠᠷ ᠤ᠋ᠨ ᠪᠣᠯᠤᠨ ᠰᠠᠨᠰᠠᠷ ᠤ᠋ᠨ ᠰᠲ᠋ᠠᠨ᠋ᠼ ᠤ᠋ᠨ ᠷᠠᠳᠢᠣ᠋ ᠳᠠᠪᠲᠠᠮᠵᠢ ᠶ᠋ᠢᠨ ᠮᠡᠳᠡᢉᠦᠯᢉᠡ᠂ᠪᠦᠷᠢᠳᢈᠡᠯ ᠳ᠋ᠦ ᠠᠰᠢᠭᠯᠠᠳᠠᠭ ᠣ᠂ᠤ᠂ᠴᠡ᠂ᠬᠣ᠂ᠪᠠ᠆ᠶ᠋ᠢᠨ ᠫᠷᠣᢉᠷᠠᠮᠮ ᠬᠠᠩᠭᠠᠮᠵᠢ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠰᠠᠩ ᠳᠡᢉᠡᠷᠡ ᠠᠵᠢᠯᠯᠠᠬᠤ᠂ᠷᠠᠳᠢᠣ᠋ ᠳᠠᠪᠲᠠᠮᠵᠢ ᠶ᠋ᠢᠨ ᠮᠡᠳᠡᢉᠦᠯᢉᠡ ᠪᠡᠯᠡᠳᢈᠡᢈᠦ᠂ ᠣᠯᠠᠨ ᠤᠯᠤᠰ ᠤ᠋ᠨ ᠪᠦᠷᠢᠳᢈᠡᠯ ᠳ᠋ᠦ ᠪᠦᠷᠢᠳᢈᠡᢉᠦᠯᢈᠦ ᠵᠢᠭᠠᠪᠤᠷᠢᠴᠢᠯᠠᠭᠠ ᠥᢉᠴᠦ᠂ RR Article ᠕ Analyzer Tool, APT AFIS Tool ᠵᠡᠷᢉᠡ ᢈᠡᠷᠡᢉᠰᠡᠯ ᠢ᠋ ᠠᠰᠢᠭᠯᠠᠨ ᠳᠠᠪᠲᠠᠮᠵᠢ ᠶ᠋ᠢᠨ ᠬᠤᠪᠢᠶᠠᠷᠢᠯᠠᠯᠲᠠ ᠶ᠋ᠢ ᠰᠢᠨᠵᠢᠯᠡᢈᠦ ᠳᠠᠳᠤᠯᠭᠠ ᢈᠢᠯᠡ᠃
ᠰᠧᠮᠢᠨᠠᠷ ᠤ᠋ᠨ ᠲᠡᢉᠦᠰᢈᠡᠯ ᠳ᠋ᠦ WRC᠆᠒᠗᠆ᠶ᠋ᠢᠨ ᢈᠡᠯᠡᠯᠴᠡᢈᠦ ᠠᠰᠠᠭᠤᠳᠠᠯ ᠪᠣᠯᠤᠨ ᠠᠽᠢ᠂ᠨᠣᠮᠤᠬᠠᠨ ᠳᠠᠯᠠᠢ ᠶ᠋ᠢᠨ ᠪᠦᠰᠡ ᠶ᠋ᠢᠨ ᠪᠡᠯᠡᠳᢈᠡᠯ ᠰᠡᠳᠦᠪ ᠢ᠋ᠶᠡᠷ ᠳᠤᠭᠤᠢ ᠰᠢᠷᠡᢉᠡᠨ ᠦ᠋ ᢈᠡᠯᠡᠯᠴᠡᢉᠦᠯᢉᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂᠒᠐᠒᠗ ᠣᠨ ᠳ᠋ᠤ ᠪᠣᠯᠬᠤ ᠳᠡᠯᠡᢈᠡᠢ ᠶ᠋ᠢᠨ ᠷᠠᠳᠢᠣ᠋ ᠬᠣᠯᠪᠤᠭᠠᠨ ᠤ᠋ ᠶᠡᢈᠡ ᠬᠤᠷᠠᠯ ᠤ᠋ᠨ ᠪᠡᠯᠡᠳᢈᠡᠯ᠂ ᠪᠦᠰᠡ ᠨᠤᠲᠤᠭ ᠤ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠲᠠᠯᠠᠭᠠᠷ ᠰᠠᠨᠠᠯ᠂ ᠮᠡᠳᠡᢉᠡᠯᠡᠯ ᠰᠣᠯᠢᠯᠴᠠᠭᠰᠠᠨ ᠶᠤᠮ᠃
ᠠᠽᠢ᠂ ᠨᠣᠮᠤᠬᠠᠨ ᠳᠠᠯᠠᠢ ᠶ᠋ᠢᠨ ᠪᠦᠰᠡ ᠶ᠋ᠢᠨ ᠷᠠᠳᠢᠣ᠋ ᠬᠣᠯᠪᠤᠭᠠᠨ ᠤ᠋ ᠰᠧᠮᠢᠨᠠᠷ ᠨᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠮᠡᠷᢉᠡᠵᠢᠯᠲᠡᠨ ᠨᠦ᠋ᢉᠦᠳ ᠦ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᠳᠠᠪᠲᠠᠮᠵᠢ ᠶ᠋ᠢᠨ ᠪᠦᠷᠢᠳᢈᠡᠯ᠂ᠰᠫᠧᠻᠲ᠋ᠷ ᠦ᠋ᠨ ᠲᠥᠯᠦᠪᠯᠡᠯᠲᠡ᠂ ᠮᠣᠨᠢᠲ᠋ᠣᠷᠢᠩ᠂ ᠭᠠᠵᠠᠷ ᠤ᠋ᠨ ᠪᠣᠯᠤᠨ ᠰᠠᠨᠰᠠᠷ ᠤ᠋ᠨ ᠷᠠᠳᠢᠣ᠋ ᠬᠣᠯᠪᠤᠭᠠᠨ ᠤ᠋ ᠵᠣᢈᠢᠴᠠᠭᠤᠯᠤᠯᠲᠠ᠂ᠰᠢᠨᠡ ᠲᠧᢈᠨᠣᠯᠣᢉᠢ ᠪᠣᠯᠤᠨ WRC᠆᠒᠗᠆ᠶ᠋ᠢᠨ ᠪᠡᠯᠡᠳᢈᠡᠯ ᠦ᠋ᠨ ᠴᠢᢉᠯᠡᠯ ᠢ᠋ᠶᠡᠷ ᠮᠡᠳᠡᠯᢉᠡ᠂ᠫᠷᠠᠻᠲ᠋ᠢᠻ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠪᠡᢈᠢᠵᠢᢉᠦᠯᢈᠦ᠂ ᠣ᠂ᠤ᠂ᠴᠡ᠂ᠬᠣ᠂ᠪᠠ᠂ ᠠ᠂ᠨ᠋᠂ᠳ᠋᠂ᠴᠡ᠂ᠬᠣ᠂ᠪᠠ ᠪᠣᠯᠤᠨ ᠪᠦᠰᠡ ᠨᠤᠲᠤᠭ ᠤ᠋ᠨ ᠮᠡᠷᢉᠡᠵᠢᠯᠲᠡᠨ ᠨᠦ᠋ᢉᠦᠳ ᠲᠡᠢ ᠮᠡᠷᢉᠡᠵᠢᠯ ᠦ᠋ᠨ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠ ᠶ᠋ᠢ ᠥᠷᢉᠡᠵᠢᢉᠦᠯᢈᠦ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠠᠷᠭᠠ ᢈᠡᠮᠵᠢᠶᠡ ᠪᠣᠯᠤᠯᠠ᠃
